CONCURSO DE SOLISTAS CSMVigo 2025

Bases

XI CONCURSO DE SOLISTAS DO CSMV

CURSO 2024/2025

O Conservatorio Superior de Música de Vigo (CSMV) convoca o XI Concurso de Solistas, que se desenvolverá no curso

académico 2024/2025. O obxecto do concurso é o de estimular e recoñecer a excelencia interpretativa en calquera das

especialidades impartidas no centro. Rexerase polas seguintes bases.

BASES DO CONCURSO

Participantes e inscrición

1. Poderá tomar parte no concurso o alumnado matriculado no CSMV en calquera das especialidades e

itinerarios, e en calquera curso.

2. Para participar, unicamente é preciso cubrir o formulario online que se achega neste documento e achegar

información requirida.

3. O prazo para inscribirse será o comprendido entre o 12 e o 28 de maio de 2025, ámbolos dous incluídos, a

través do seguinte formulario: https://forms.gle/Mh6vgHwo4RXxe8nNA

4. O concurso constará de dúas fases:

4.1. Fase eliminatoria, na que se concursará por medio dunha gravación de vídeo cunha duración mínima de 8 minutos.

Os concursantes facilitarán o enlace o seu vídeo no formulario de inscrición e este estará aloxado nunha

plataforma de vídeo (Youtube, Vimeo, Dailymotion, Google Drive, Google Video ou similar) facilitando, no

caso de ser necesario, os permisos para a súa reprodución por parte do xurado.

Poderán interpretarse varias obras ou movementos, indicando no formulario de inscrición o título e o autor

ou autora da obra ou obras.

As/os concursantes deberán facer a gravación nunha única toma, incluso no caso de que a interpretación

conteña varias obras ou movementos.

4.2. Fase final, na que cada concursante deberá preparar unha audición de duración mínima de 10 minutos.

Poderán propoñerse varias obras ou movementos, indicando no formulario de inscrición o título e o autor

ou autora da obra ou obras e a duración de cada obra ou movemento.

5. No caso de precisar acompañamento pianístico ou de calquera outro tipo, é competencia d@ concursante

xestionar esta necesidade, non estando o centro obrigado a achegar este recurso. O profesorado do centro

unicamente poderá participar en calidade de pianista acompañante, no seu caso.

Fases do concurso

6. O director do CSMV nomeará un xurado formado, como mínimo, por 3 docentes pertencentes ao seu claustro.

O mesmo director determinará tamén o profesor que deberá exercer a presidencia. Contémplase, non

obstante, a posibilidade de que un dos membros de dito xurado sexa un antigo profesor do CSMV que chegara

á súa xubilación sendo docente do mesmo. O xurado terá como competencias:

a. Aprobar e publicar as listas de admitid@s.

b. Deliberar e decidir o listado de finalistas.

c. Realizar a convocatoria e chamamentos dos concursantes para a fase final.

d. Deliberar e outorgar os premios convocados

e. Resolver calquera incidencia relativa ao concurso desde o momento da súa constitución ao da sua disolución (en coordinación cos órganos responsables do centro), así como interpretar o contido destas bases cando houbese lugar.

7. O día 29 de maio publicarase no taboleiro oficial habilitado ao efecto, a listaxe de admitid@s ao concurso. No

caso de existir reclamacións a estas listas, deberán interpoñerse no prazo de 24 horas unha vez realizada a

publicación antedita, mediante instancia rexistrada nas oficinas do centro e dirixida á presidencia do xurado.

Despois de resolvero que proceda o 30 de maio publicaranse as listas definitivas.

8. O día 2 de xuño o tribunal publicará no taboleiro oficial habilitado ao efecto, a listaxe de finalistas con

indicación da obra que deberán interpretar (no caso de que se tivese proposto pol@ concursante máis de

unha) así como a orde de actuación d@s mesm@s.

9. A fase final do concurso terá lugar o mércores, 4 de xuño de 2025, no Auditorio Martín Códax do CSMV,

segundo o horario e orde de actuación que se teña publicado polo xurado.

10. Na fase final o xurado poderá interromper a audición d@ concursante antes do remate da obra, se o considera

oportuno.

Premios

11. O xurado poderá outorgar un 1º, 2º e 3º premios, así como ata dúas mencións de honra, no caso de que así o

estimase, á vista do nivel d@s concursantes presentad@s. Igualmente poderá declarar desertos os premios

que considere.

12. Para @ 1º premiad@, o premio consistirá en:

a. Realización dun concerto como solista con algunha das agrupacións (orquestras) do CSMV. O

momento desta realización así como o repertorio a interpretar, serán acordados entre @ solista e a/s

persoa/s responsable/s da dirección da agrupación coa que vai actuar.

b. Bono de compra por valor de 200 € ; a compra realizarase na web

http://www.dosacordes.es/web/tienda no prazo que se indique.

c. Diploma acreditativo.

Para @ 2º e 3º premiad@.

a. Bono de compra por valor de 150€ para 2º premiado e 100 € para o 3º premiado; a compra

realizarase na web http://www.dosacordes.es/web/tienda no prazo que se indique.

b. Diploma acreditativo.

Para as mencións de honra: Diploma acreditativo

13. Os premios entregaranse no Acto de Graduación e Clausura do Curso Académico 2024/2025.

Base xeral

14. A participación no concurso implica a aceptación completa destas bases.